امریکی ڈالر کی قیمت میں تیزی سے اضافے ہونے لگا

لاہور: روپے کے مقابلے امریکی ڈالر کی قیمت میں تیزی سے اضافے ہونے لگا، جبکہ پاکستان سٹاک مارکیٹ میں اُتار چڑھاؤ کے بعد معمولی تیزی ریکارڈ کی گئی۔سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر ایک مرتبہ پھر 51 پیسے کا اضافہ دیکھا گیا۔
اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 201 روپے 41 پیسے سے بڑھ کر 201 روپے 92 پیسے ہو گئی ہے۔اُدھر پاکستان سٹاک مارکیٹ میں اُتار چڑھاؤ کے بعد 62.34 پوائنٹس کی تیزی ریکارڈ کی گئی اور 100 انڈیکس 42012.66 پوائنٹس کی سطح پر پہنچ کر بند ہوا، پورے کاروباری روزکے دوران کاروبار میں 0.15 فیصد کی بہتری دیکھی گئی۔ جبکہ 12 کروڑ 5 لاکھ 53 ہزار 891 شیئرز کا لین دین ہوا۔