مانچسٹر(خبریں یو۔کے)صحافی جناب احمد وارث نظامی کی اچانک موت سے صحافت کی دنیا میں پیدا ہونے والا خلا کبھی پر نہیں کیا جا سکے گا۔ نظامی صاحب طویل مدت تک شعبہ صحافت سے منسلک رہے اور الیکٹرانک اور پرنٹ میڈیا میں اپنی خدمات در انجام دیتے رہے۔ ساتھ ساتھ گروپ کا ایک اہم اجلاس مرحوم کی خدمات کو خراج تحسین پیش کرنے کے لیے بلایا گیا جس میں چیئرمین اظہر شاہ وائس چیئرمین امجد مغل سیکرٹری جنرل جاوید شاہ رضوان کاظمی طاہر نوید رانا عبدالروف اور محمد افضال نے شرکت کی۔ اجلاس میں کورونا وائرس کی حالیہ لہر میں ہلاک ہونے والے صحافی احمد نظامی اور اطہر عاشق کی خدمات کو سراہا گیا۔ اطہر عاشق بلا شبہ ایک بہترین انسان دوست اور پاکستان سے محبت کرنے والے درد مند انسان تھے۔ پاکستان اور پاکستانی مصنوعات کے فروغ کے لئے انتھک خدمات سرانجام دیں۔ پاکستان کی گولڈن جوبلی کے موقع پر ایک بہت بڑے جلسے کا اہتمام کیا اور پاکستان کی ثقافت کو اجاگر کیا۔ ان جیسے محب وطن پاکستانی کی خدمات کمیونٹی میں ہمیشہ یاد رکھی جائیں گی۔ آخر میں سب مرحومین کی بخشش کی دعا بھی مانگی گئی۔
